ការចាប់ផ្ដើមអាជីវកម្មគឺជារឿងដែលគួរឱ្យរំភើប។ អ្នកត្រូវធ្វើសកម្មភាពឱ្យលឿន សាកល្បងគំនិតថ្មីៗ ស្វែងរកអតិថិជន និងខិតខំរស់។ ជាញឹកញាប់ បញ្ហាផ្លូវច្បាប់ហាក់ដូចជាអ្វីមួយដែលត្រូវ "ដោះស្រាយនៅពេលក្រោយ"។

ជាអកុសល សម្រាប់ក្រុមហ៊ុនបង្កើតថ្មី ជាច្រើននៅកម្ពុជា ពាក្យថា "ពេលក្រោយ" ក្លាយជាយឺតពេលទៅហើយ។

បញ្ហាផ្លូវច្បាប់ភាគច្រើនដែលក្រុមហ៊ុនបង្កើតថ្មី ជួបប្រទះ មិនមែនជារឿងស្មុគស្មាញពេកនោះទេ វាគឺជាកំហុសដែលអាចបង្ការបានតាំងពីដំណាក់កាលដំបូង។ ខាងក្រោមនេះគឺជាកំហុសផ្លូវច្បាប់ទូទៅបំផុតដែលក្រុមហ៊ុនបង្កើតថ្មីនៅកម្ពុជាជួបប្រទះជាញឹកញាប់ និងអ្វីដែលស្ថាបនិកគួរធ្វើដើម្បីជៀសវាងបញ្ហាទាំងនោះ។

១. មិនបានចុះបញ្ជីអាជីវកម្ម (ឬចុះបញ្ជីយឺតពេល)

Startup ជាច្រើនដំណើរការដោយមិនផ្លូវការនៅដំណាក់កាលដំបូង ជាពិសេសអាជីវកម្មអនឡាញ ឬក្រុមហ៊ុនតូចៗ។

ហេតុអ្វីបានជាវាអាចជាកំហុស៖

• អ្នកប្រឈមនឹងការទទួលខុសត្រូវផ្ទាល់ខ្លួនចំពោះបំណុល ឬបញ្ហានានា
• អ្នកអាចជួបបញ្ហាពន្ធដារ ឬការតម្រូវឲ្យអនុលោមតាមច្បាប់នៅពេលក្រោយ
• ធនាគារ ដៃគូអាជីវកម្ម និងវិនិយោគិនអាចនឹងបដិសេធមិនធ្វើការជាមួយអ្នក។

អ្វីដែលគួរធ្វើជំនួសវិញ៖
គំរូកិច្ចសន្យាឥតគិតថ្លៃមើលទៅហាក់ដូចជាងាយស្រួល រហូតទាល់តែមានបញ្ហាកើតឡើង។ whether and when ស្វែងរកការពិគ្រោះយោបល់ឱ្យបានឆាប់ថាតើពេលណាគួរចុះបញ្ជី និងទម្រង់អាជីវកម្មណាដែលសមស្របនឹងអាជីវកម្មរបស់អ្នក (សហគ្រាសឯកបុគ្គល ឬក្រុមហ៊ុន)។

២​. ការប្រើប្រាស់គំរូកិច្ចសន្យាឥតគិតថ្លៃពីអ៊ីនធឺណិត

គំរូកិច្ចសន្យាឥតគិតថ្លៃមើលទៅហាក់ដូចជាងាយស្រួល រហូតទាល់តែមានបញ្ហាកើតឡើង។

បញ្ហាទូទៅជាមួយគំរូទាំងនោះ៖

• ត្រូវបានសរសេរឡើងផ្អែកលើច្បាប់នៃប្រទេសដទៃ
• ខ្វះប្រការសំខាន់ៗដូចជា ការទូទាត់ ការបញ្ឈប់កិច្ចសន្យា ឬការទទួលខុសត្រូវ
• មិនត្រូវបានរៀបចំឱ្យត្រូវនឹងគំរូអាជីវកម្មជាក់ស្តែងរបស់អ្នក។

ហានិភ័យជាក់ស្តែង
នៅពេលមានវិវាទកើតឡើង កិច្ចសន្យានោះអាចនឹងមិនមានសុពលភាពតាមផ្លូវច្បាប់ ឬធ្វើឱ្យអ្នកខាតបង់ប្រយោជន៍។

អ្វីដែលគួរធ្វើជំនួសវិញ៖
សូម្បីតែកិច្ចសន្យាសាមញ្ញ ក៏គួរតែត្រូវបានពិនិត្យ ឬកែសម្រួលឱ្យស្របតាមច្បាប់នៃព្រះរាជាណាចក្រកម្ពុជា និងស្ថានភាពជាក់ស្តែងរបស់អ្នកដែរ។

៣. គ្មានកិច្ចព្រមព្រៀងច្បាស់លាស់រវាងស្ថាបនិក ឬដៃគូ

Startup ជាច្រើនត្រូវបានបង្កើតឡើងដោយមិត្តភក្ដិ ឬក្រុមគ្រួសារ។ នៅពេលទំនុកចិត្តខ្ពស់ ការធ្វើឯកសារហាក់ដូចជាមិនចាំបាច់។

ហេតុអ្វីបានជាវាគ្រោះថ្នាក់៖

• មិនមានភាពច្បាស់លាស់អំពីម្ចាស់កម្មសិទ្ធិ ឬអ្នកធ្វើការសម្រេចចិត្ត
• មិនមានផែនការត្រៀមទុកក្នុងករណីមាននរណាម្នាក់ចាកចេញ
• វិវាទអាចបំផ្លាញទាំងអាជីវកម្ម និងទំនាក់ទំនងផ្ទាល់ខ្លួន។

អ្វីដែលគួរធ្វើជំនួសវិញ៖
ត្រូវមានកិច្ចព្រមព្រៀងជាលាយលក្ខណ៍អក្សរសាមញ្ញមួយដែលគ្របដណ្តប់លើ តួនាទី កម្មសិទ្ធិ ការបែងចែកប្រាក់ចំណេញ និងផែនការត្រៀមទុកក្នុងករណីមានការចាកចេញ។

៤. ការជួលបុគ្គលិកដោយគ្មានឯកសារការងារត្រឹមត្រូវ

Startup ជាច្រើនជួលបុគ្គលិកតាមរបៀបក្រៅផ្លូវការដូចជា៖

• ការព្រមព្រៀងដោយផ្ទាល់មាត់
• តួនាទីការងារមិនច្បាស់លាស់
• គ្មានកិច្ចសន្យាជាលាយលក្ខណ៍អក្សរ។

ហានិភ័យរួមមាន៖

• វិវាទការងារ
• ការចំណាយលើការបញ្ចប់ការងារដែលមិនបានរំពឹងទុក
• ការមិនអនុលោមតាមច្បាប់ការងារ ឬកាតព្វកិច្ច ប.ស.ស (NSSF)។

អ្វីដែលគួរធ្វើជំនួសវិញ៖
ប្រើប្រាស់កិច្ចសន្យាការងារឱ្យបានត្រឹមត្រូវ និងស្វែងយល់ពីកាតព្វកិច្ចមូលដ្ឋានក្នុងនាមជានិយោជកតាំងពីថ្ងៃដំបូង។

៥. ការលាយឡំគ្នារវាងថវិកាផ្ទាល់ខ្លួន និងថវិកាអាជីវកម្ម

ការប្រើប្រាស់គណនីផ្ទាល់ខ្លួនសម្រាប់ប្រតិបត្តិការអាជីវកម្មហាក់ដូចជាងាយស្រួលនៅពេលដំបូង។

ហេតុអ្វីបានជាវាអាចបង្កបញ្ហា

• មិនមានភាពច្បាស់លាស់ផ្នែកហិរញ្ញវត្ថុ
• ពិបាកក្នុងការធ្វើរបាយការណ៍សម្រាប់ពន្ធដារ
• Personal assets exposed to business risks.

អ្វីដែលគួរធ្វើជំនួសវិញ៖
បែងចែកហិរញ្ញវត្ថុផ្ទាល់ខ្លួន និងហិរញ្ញវត្ថុអាជីវកម្មឱ្យដាច់ពីគ្នាតាំងពីថ្ងៃដំបូង។ វាជួយសន្សំសំចៃពេលវេលា ថវិកា និងកាត់បន្ថយភាពតានតឹងនៅពេលក្រោយ។

៦. ការរំលងភាពត្រឹមត្រូវនៃការបកប្រែ និងឯកសារ

សម្រាប់ Startup ដែលធ្វើការជាមួយដៃគូបរទេស អាជ្ញាធរ ឬវិនិយោគិន ឯកសារនានាតែងតែត្រូវការការបកប្រែ។

កំហុសទូទៅ៖
ការប្រើប្រាស់សេវាបកប្រែដែលមានតម្លៃថោក ឬគ្មានភាពសុក្រិតសម្រាប់៖

• កិច្ចសន្យា
• ឯកសារក្រុមហ៊ុន
• ឯកសារដាក់ជូនអាជ្ញាធរផ្លូវការ។

អ្វីដែលគួរធ្វើជំនួសវិញ៖
ការបកប្រែមិនល្អអាចធ្វើឱ្យអត្ថន័យផ្លូវច្បាប់ប្រែប្រួល បង្កើតឱ្យមានវិវាទ ឬត្រូវបានបដិសេធដោយអាជ្ញាធរ។

អ្វីដែលគួរធ្វើជំនួសវិញ៖
ប្រើប្រាស់សេវាបកប្រែដែលមានវិជ្ជាជីវៈ ឬមានការទទួលស្គាល់ត្រឹមត្រូវ ជាពិសេសសម្រាប់ឯកសារច្បាប់ ឬឯកសារផ្លូវការ។

៧. រង់ចាំដល់ពេលមានបញ្ហា ទើបស្វែងរកជំនួយផ្លូវច្បាប់

ស្ថាបនិកជាច្រើនស្វែងរកការប្រឹក្សាផ្លូវច្បាប់ លុះត្រាតែ មានរឿងអ្វីមួយខុសប្រក្រតីកើតឡើង។

នៅពេលនោះ៖

• ជម្រើសរបស់អ្នកមានកំណត់
• ការចំណាយខ្ពស់ជាងមុន
• ទំនាក់ទំនងអាចនឹងត្រូវខូចខាតរួចទៅហើយ។

អ្វីដែលគួរធ្វើជំនួសវិញ៖

ចាត់ទុកការគាំទ្រផ្នែកច្បាប់ថាជា "ការបង្ការហានិភ័យ" មិនមែនជា "ការជួសជុលការខូចខាត" នោះទេ។

សេចក្តីសន្និដ្ឋាន៖ កំហុសផ្លូវច្បាប់មានតម្លៃថ្លៃ — ប៉ុន្តែការបង្ការមិនថ្លៃនោះទេ

កំហុសផ្លូវច្បាប់របស់ Startup ភាគច្រើន មិនមែនកើតចេញពីបំណងអាក្រក់នោះទេ ប៉ុន្តែវាគឺមកពីការខ្វះការយល់ដឹង។

ដំណឹងល្អនោះគឺ
ជាមួយនឹងការណែនាំដ៏ត្រឹមត្រូវតាំងពីដំណាក់កាលដំបូង Startup អាច៖

• ជៀសវាងវិវាទ
• ការពារការរីកចម្រើនរបស់ខ្លួន
• សាងទំនុកចិត្តជាមួយដៃគូ និងអតិថិជន។

តើអ្នកត្រូវការជំនួយក្នុងការពិនិត្យកិច្ចសន្យា ឬការរៀបចំអាជីវកម្មរបស់អ្នកឱ្យបានត្រឹមត្រូវដែរឬទេ?

សូមទាក់ទងមកយើងខ្ញុំ។ ការសន្ទនារយៈពេលខ្លីនៅពេលនេះ អាចជួយសន្សំពេលវេលា និងបញ្ហាជាច្រើនខែសម្រាប់អ្នកនៅពេលក្រោយ។